Mission Hnatuannak ah A Fehtu A Thupi Sawn

Mission Hna\uannak ah A Fehtu A Thupi Sawn

1. Jesuh ih Thupek Tumbik cu Feh Ding A Si, Thlah Ding A Si Lo (Matthai 28:16-20; Mark 16:14-16).

Matt. 28:19 “Curuangah feh uhla miphun hmuahhmuah ka dungthluntu va siter uh; Pa le Fapa le Thiang Thlarau hmin in baptisma va pe uh.”

Mark 16:15 5 “Cule an hnenah, “Leilung khuazakip ah va feh uhla mi hmuahhmuah hnenah Thuthang \ha va sim uh.”

Thlahtu a um lo khal le kanmah rori feh ih Thuthang\ha sim phuangtu ding sawn kan si. Thlahtu a um ruangah \uan ding lawng kan si lo. Mission hna\uan, Thuthang \ha simphuan ding ahcun thlahtu a um lo khalle feh in \uan theih a si. Curuangah thlahtu hnakin fehtu a thupi sawn a si.

2. Thlahtu Ngaingai cu Pathian A Si, Zumtu pawl cu Thlahmi Kan Si.

1. Pathian in Abraham khal fehtu dingah a fial, midang thlahtu dingah a ko lo. (Gen. 12:1 -3)

2. Isaiah khal Pathian in “zoso ka thlah thlah ding” a ti tikah “keimah I thlah aw” tiah a let. (Isa. 6:8)

    Midang thlah ding a hawl lo ih amah rori ka feh ding tiah a si.

3. Paul khal Pathian kawhnak a theih tikah amah rori thuthang\ha sim in a feh. (Tirhthlah 9)

3. Kan ram (Myanmar) ih Zumtu Dinhmun Zoh Tikah

Kan ram (Myanmar) zoh sehla Thuthang \ha a thleng hnu kum 200 a luan zo nan tuini tiang zumtu karh ding zat kan karh theilonak hi Missionary ih pumpetu kan maltuk ruangah a si.

Zumtu tampi in kan \uanvo a sit i theiin mahte bulpak zuamnak thawn mission hna \uan cio sehla tui dinhmun hnakin zumtu kan tamsawn ding a si. Thlahtu ding Kawhhran cu a tamzet ko nan mission lungput nei ngaingai ih a fehtu taktak kan maltuk ruangah a si. Curuangah thlahtu hnakin fehtu tampi kan ram in a tul sawn ih fehtu an thupi sawn ti a fiang a si.

4. Kan FCC  Dinhmun Zoh Tikah

FCC in missionary pakhat (Saya Con Lian Mang) lawng thlahmi kan nei. Kawlram ah Bible tlawngta (5) cu kan bawm. Kam member mipum hi (1000) hnakin kam tam tikah kan thlahmi le kan bommi a maltuk. Kanmah sung rori ihsin a fehtu ding tampi um sehla Pathian ram a kau sinsin ding. Thlahtu dinhmun ah kan umawter ruangah mi malte lawng kan bom ih mi pakhat lawng kan thlah hi a si. Zumtu kan zate thlahtu dingah si lo in fehtu dingah Pathian ih fialmi kan si sawn. Mipum zate thawn zoh\him tikah mi (100) ah a fehtu hi mi (1) hman kan kim lo. Curuangah mission hna\uannak ah “thlahtu” hnakin “fehtu” a thupi sawn a si.