“CHRISTMAS” SULLAM

“CHRISTMAS” SULLAM

CHRISTMAS A SILO

1. Christmas hi Biaknak Puai menmen a si lo.

2. Christmas hi Laksawng, Ei le In, Decoration mawinak a phunphun pawl an si lo.

3. Christmas hi December 25 a si lo. Christmas ni tiah mitambik ih hman mi ni sawn a si.

December 25 a hmaisabik ih hman kum cu AD336 ah a siih Roman Emperor Constantine (Christmas Emperor hmaisabik) san ah a si. Cuih hnu kum reilo ah Pope Julius I in official in December 25 hman ringring dingah a nemhnget.

CHRIST = Anointed one. Hriakculh mi, hril mi, mi thiang tinak a si.

MAS = Mass or Missa.

1). Mass ti cu mipi tinak a si ih a tawinak in “Mas” tiah hman a si.

2). Missa ti cu Latin ttong a siih thlah (missio) tinak a si. Pathian in a fapa neihsun leilung

     rundamtu dingah a thlah tinak a si.

Curuangah Christmas tiih sullam phunhnih in lak theih a si.

11.   Khrih le Mipi tonkhawmawk tinak a si.

22.    Khrih cu leilung rundamtu dingah Pathian in a thlah tinak a si.

CHRISTMAS ih sullam sungmuril cu DUHDAWTNAK a si.

John 3:16-17 sungih kan hmuh vekin Pathian in leilung a duhdawttuk ruangah a Fapa Jesuh kha leilung rungdamtu dingah a thlah. Minung vekin in leitlun ah a piang.

Cucu Pa Pathian ih duhdawtnak lawnglawng ruangah a si.

Paul ih Zirhmi Kawhhran Hruaitu Nun

Paul ih Zirhmi Kawhhran Hruaitu Nun

Kawhhran Hruaitu cu Ziangkim ah Zohthimtlak An Si (1 Tim. 3:1-13; Titas 1:6-9).

Kawhhran hruaitu si a duhtu cu hnatuan tha duhtu a si tiah Paul in fiangten a sim. Cuih Kawhhran hnatuan a duhtu cun ziangkim ah zohthimtlak nunzia neih a tul ih soiselnak nei lo mi a si ding. Pual ih zirhnak khaikhawm tikah a tanglam vekin a si.

     A si ding

1. Soiselnak nei lo mi

2. Nupi pakhat lawng neitu

3. Rit theinak thil ih suup aw thei mi

4. Mah le mah a uk aw thei mi

5. Felfai zohrem in a nung mi

6. Mikhual zohthiamtu  

7. Mizirh thiamtu

8. Mi lungneem

9. Daihnak duhtu

10. Innsang kilkhawi theitu

11. Misenpi ih upat mi

12. Ziaza tha a nei mi

13. Thinlung tluangtlam mi

14. Thinlung thiang thawn thutak pomhngettu

15. Mi ding, mi thiang le suuptheinak neitu

    A si lo ding

1. Zuu rit hmangmi a si lo ding

2. Thinsuup aw thei lo a si lo ding

3. Midang thawn to aw theu mi si lo ding

4. Tangka duhtuk mi a si lo ding

5. Mi puarthau, thintawi helhlong a si lo ding

Kawhhran Hruaitu cu Riantu An Si (2 Tim. 2:24-26).

Jesuh cun hruaitu ih nundan ding dik amah bulpak nun in a hmuhsak. A dungthluntu pawl ih ke a kholh sak. A dungthluntu pawl a uk in a uk lo, tangdornak thawn a rian sawn. Cuvekin Kawhhran hruaitu cu zumtu pawl ih tulsamnak aiawh theitu a si dingih, zumtu pawl parih lal duh thuneitu a si lo ding. Mi thawn hau aw rero lo, mi zangfah thiamtu, thinsau in mi zirh thiamtu a si ding. 

Kawhhran Hruaitu cu Tuukhaltu An Si (Tirh. 20:28). 

Tuukhal tha cun tuu pawl a cawm tha, a kilhim, hramhring le tithiang umnak ah a hruai. Sahrang le ral dangdang ih siatsuahnak in tuu pawl a kilhim. Kawhhran hruaitu cu tuukhal tha vek a si. Zumtu pawl Pathian duhnak ah  a hruai ih Satan sualforhnak ah tla lo dingin a kilhim. Zumtu pawl ih thinlung, taksa le thlarau pitlinnak dingah nun pek ngam tiangin a raltha.

Kawhhran Hruaitu cu Khrih Nundan Cawngtu A Si Ding (1 Kor. 11:1). 

Paul cun Khrih nundan hi a zohthimbik mi nundan a si. Kawhhran hruaitu khal in a pakhatnak ih zohthim dingmi nundan cu Khrih nundan hi a si. Bawi Jesuh Khrih cun duhdawtnak, ngaidamnak, zangfahnak, zawnruahnak, tirhsiannak, bangrannak, thungainak, thatnak phunkim a zirh ih cumi cu hruaitu pawl in nunpi rori ih zumtu mipi hruai ding hi Paul ih zirh duhmi a si.

Mission Hnatuannak ah A Fehtu A Thupi Sawn

Mission Hna\uannak ah A Fehtu A Thupi Sawn

1. Jesuh ih Thupek Tumbik cu Feh Ding A Si, Thlah Ding A Si Lo (Matthai 28:16-20; Mark 16:14-16).

Matt. 28:19 “Curuangah feh uhla miphun hmuahhmuah ka dungthluntu va siter uh; Pa le Fapa le Thiang Thlarau hmin in baptisma va pe uh.”

Mark 16:15 5 “Cule an hnenah, “Leilung khuazakip ah va feh uhla mi hmuahhmuah hnenah Thuthang \ha va sim uh.”

Thlahtu a um lo khal le kanmah rori feh ih Thuthang\ha sim phuangtu ding sawn kan si. Thlahtu a um ruangah \uan ding lawng kan si lo. Mission hna\uan, Thuthang \ha simphuan ding ahcun thlahtu a um lo khalle feh in \uan theih a si. Curuangah thlahtu hnakin fehtu a thupi sawn a si.

2. Thlahtu Ngaingai cu Pathian A Si, Zumtu pawl cu Thlahmi Kan Si.

1. Pathian in Abraham khal fehtu dingah a fial, midang thlahtu dingah a ko lo. (Gen. 12:1 -3)

2. Isaiah khal Pathian in “zoso ka thlah thlah ding” a ti tikah “keimah I thlah aw” tiah a let. (Isa. 6:8)