Ram Uktu Bawi pawlih Thu Ngai Uh! An Tha ahcun Rammi An Nuam, An Thalo ahcun Rammi An Zonzai

Ram Uktu Bawi pawlih Thu Ngai Uh! An Tha ahcun Rammi An Nuam, An Thalo ahcun Rammi An Zonzai

Ahab (885 – 850 BC)

Israel siangpahrang (7) nak a si. Amah le a nupi Jezabeel ruangah Israel ram sungah Baal khawzing biaknak a karh. Nahsiknak ruangah mawh nei lo Naboth thattu (a nupi thawn) a si.

(1 Siang. 16,18,21,22).

Nero (AD 54 – 680)

Roman Empire ih emperor 5 nak a si. Christian pawl hremnak maksak le thisen tiva luantertu hmaisabik uktu a si. Mithiang Peter le Paul khal amai uknak sungih a thimi an si.

Adolf Hitler (1934 – 1945)

Jew miphun 5.5 million thattu, civil mi le thawngtla mi 19.3 million thi tertu, WW-II sungah civil mi le ralkap 29 million thihnak thlentu a si.

George W. Bush (2001 – 2009)

USA president 43 nak a si. Territorist pawl donak ah ralkap, civil mi million tampi thih tertu a si. 2010 Siena ih president sualbik (5) hrilmi lakah a telmi a si. 2009 C-SPAN ih president sualbik hrilmi lakah (8) nak a si. Amah ruangah USA pursum tuahnak a tlasia tihi media tampi in an fehter zo.

Than  Shwe (1992 – 2011)

Lai hmin ah Thang Sui tiih an kawh mipa kha a si. Amah ruangah Myanmar ralkap, mipi nunnak zianghmuah in thihnak khur an lai ti cu cazin tuah cawk khal a si lo ding.

Queen Mary I (155 – 1558)

Thisen hal Mary tin tla kawh a si. England minung hmuahhmuah Roman Catholic ih luhter, canter a duh ruangah Protestant mi 300 urkang ih thah an si. England in French ram nor a sunnak khal a mah ruangah a si.

Queen Ranavalona I of Madagascar (1828-1861)

Lungmolh Siangpahrang tiah kawh a si. Zarh karkhat sungah mi 10,000 leng nunnak thah ngamtu a si. Pasal thihnu mahte Queen tokham ih totu a si.

Uktu mi ttha an si ahcun ram sung mi an nun a nuam; Asinain uktu mi ttha lo an si ahcun an ram mi pawl an zonzai. (Thuf. 29:2)

Ram uktu bawi pawl kha an thu ngai uh; ziangah tile Pathian ih lungkimnak loin zohman thuneitu an um thei lo; cule atuih thuneitu pawl hi Pathian ih retmi an si. (Rom 13:1)

Himi Bible cang (2) parah background umdan sim theitu in simfiang cio uh sih!

Ruahbet dingah:

1). Pathian ih lungkimnak lo in zohman thuneitu an um thei lo (Rom 13:1).

2). Uktu thalo pawl ih thu khal kan ngai thotho ding maw (Rom 13:1)?

3). Rammi kan zonzai hi Uktu thalo ruangah a sibik ko maw (Pro. 29:2)?