MI THUPI PHUNHNIH KAN UM

MI THUPI PHUNHNIH KAN UM
1. Ngah duhmi nei ruangih mi duhdawt le duhdawtnak thinlung neih ruangih mi duhdawt kan um.
2. Natnak nei lo ruangih mi dam le natnak neidah nain damsal zo ruangih mi dam kan um.
3. Sual tuah ding umlo ruangih mifel le sual tuah ding tampi lakah tuah lo ih um thei mifel kan um.
4. Ngah ding beisei ruangih hnaṭuantu le duhsaknak, lawtnak ruangih hnaṭuantu kan um.
5. Neizet nan pe sianglotu le neilo cing khalih neihsun pesiangzettu kan um.
6. Hruaitu sisi ih hruaimi tluklo le hruaimi sisi ih hruaitu ziangsiarlo kan um.
7. Ca siar thiamlo, siar theilo ruangih ca thiamlo le siar thiam, siar thei nacingih siarlo ruangih ca thiamlo kan um.
8. Mai’ sinak remṭhat tumlo le midang ih palhnak simṭhat tumlo kan um.