1. Noah (Seem. 6)
Kiangkap ah sualnak, dodalnak, nautat hmuh-suamnak le Pathian nung zumlotu pawl ziangtluk an sualral khalle cupawl lakih telve lo, dingfel zetih nung in hnaṭuan ṭhehsuaktu cu misual lakah sual a tuah ve lo.
2. Abraham (Seemtirnak 12)
Hmuh dahlo, theih dah lo le thleng dahlonak hmun ah zumnak ruangih mai' umhmun suahsan in keker ngamtu Abraham cun hmailam ah Pathian thutiam a pelh lo ding ti zumnak thawn a cohlang thei a si.
3. Joseph (Seemtirnak 37)
Beidonnak le vansiat malmaknak in nun lamtluan a khahsilh lai caan khalah Pathian hmai ah tluksawn lo ih dingfel nun neitu Joseph soisel bo cun harsatnak a thuahthuah a neh hnu Pathian in a khaisang a si.
4. Moses (Suahlannak 3) Hruaimi pawl hrangah nunnak tiang pengam in ralṭha Moses cun duhdawtnak le rian fialtu Pathian thungainak thawn a hrehzetmi hnaṭuan cu pelhsolh riai loin a mipi hmailam ah a hruaisuak.
5. Joshua (Joshua 24)
Hril ding theifiang ih hril ngam lawng si lo in nunpi ngamtu a si bangin hruaimi pawlih cawn dingah a ṭongkam cu a takin a nunpi. Hruaitu cun a ṭongkam thawn thupek lawng si lo in mah rori in nunpi hmaisa ding a si.
6. David (1 Samuel 17)
Pathian rinsan ruangih ralṭha hleice lawng si lo ṭihnak neilo rori ih ral do ngamtu David cun ruahbanlo in micak Goliath olten a neh. Pathian ih umpinak theifiangtu hruaitu cun milai lamih thiltitheinak hnakin Pathian rinngamnak ruangah nehnak a co ringring.
No comments:
Post a Comment