PATHIAN ZANGFAHNAK LE THUṬHENNAK
[6]Zianghman ti theimi kan neih lo laifangah Pathian ih khiah mi tikcu caanah Khrih cu misual pawl hrangah a thi. [7]Miding hrang hmanah mi pakhat khat thih ding cu a olmi thil a si lo. Miṭha hrangah cun thih a ngamtu pakhat khat an rak um khal a si thei. [8]Sikhalsehla Pathian in ziangtlukinso in duhdawt ti cu a langter: misual kan si hrih na cingin kan hrangah Khrih cu a thi! [9]A thisen thawng in kannih cu Pathian thawn kan rem awk zo ruangah ziangtlukinso Pathian thinhengnak ihsin Amah in in runsuak sinsin ding!
(Rom 5-9)
[4]Sikhalsehla Pathian ih in zaangfahnak cu a tlamtling ngaingai ih in duhdawtnak khal a tumzet ruangah, [5]kan sualnak sungah thlarau lamin mithi cia kan si ko nain Khrih thawn nunnak ah in thoter sal zo. Pathian ih zaangfahnak thawngin rundammi nan si. [6]Khrih Jesuh thawn kan pehzom awknak thawngin Pathian in Khrih thawn vancung ramih uk tlang dingah amah thawn in thoter sal zo. [7]Hi bangtuk ih a tuahnak cu ziangdang ruangah a si lo; Khrih Jesuh sung ihsin kannih in duhdawtnak a tumzia kha kumkhua daih in langter a duh ruangah a si. [8]Ziangah tile nannih cu Pathian zaangfahnak zaarah zumnak in rundam nan si. Hi rundamnak cu nan ṭuannak ruangih nan ngahmi a si lo, Pathian ih laksawng a si. [9]Cuhrangah zo hman porh awk ding a si lo. [10]Pathian in kan ṭuan ding hrangih a rak timtuah ciami hnaṭuan ha ṭuantu dingah Khrih Jesuh sungin kannih cu siamtharmi kan si. (Efesa 2:4-10)
A Liamcia Thuṭhennak
Adam le Eve thuṭhennak (Seem. 3:14-24)
Rulpi le sersiam mi zate parih thuṭhennak (Seem. 3:14-15; Rom 8:20-22)
Ziangah tile sersiammi thil hmuahhmuah hi tumtahmi um loih hloral meen dingah lairel cia a si. Cumi cu anmah ih duh thu si loin Pathian ih duhnak in a si. Asinain ruahsannak a um lai. [21]Nikhat khat ah sersiammi hmuahhmuah hi a ziamral dingmi saltaannak ihsin luatter ṭheh an si ding ih Pathian faale pawlih comi a sunglawi luatnak cu an ṭawm ve leh ding. [22]Atuih caan tiang sersiammi hmuahhmuah cun nauhrin natih hrum-ai bangin an hrum an ai a si ti kan thei. (Rom 8:20-22)
Noah san ih thuṭhennak (Seem. 6-7)
Babel lungdawl san ih thuṭhennak (Seem. 11:1-9)
Egypt mi par ih thuṭhennak (Suah. 7-12)
Tiva thisen, Buthlak, fikfa, thothe, ṭilva thi, khuahli hma, rial, kharbok, thimkhawzing, fatir thihnak
Sual man thuṭhennak (Isa. 53:4-8; Rom 8:1-2)
“Asinain amah cu kan zonzaihnak tuartu a si, Kan natnak phurtu khal a si. A zonzaihnak le a tuarnak pawl cu Pathian ih hremnak a si tiah kan ruat. [5]Sikhalsehla kanmah ih sual ruangah hriamhma a pu, Thil ṭha lo kan tuah ruangah vuaknak a tong. Hremnak a tuar mi cu kan damnak a si, Vuak a tuarnak cu kan rundamnak a si. [6]Kan zate in a hlo mi tuu bangin kan vakvai, Kan duhnak zin ciarah kan feh. Asinain Bawipa in cawhkuannak cu a parah a thlenter, Kan tuar ding mi kan sualman cawhkuannak cu! [7]”An tisia zet nan thindaite’n a tuar, Kam khat hman a ṭong lo. Thah dingih an fehpi mi tuu faate bangin le a hmul meh dingmi tuu bangin a kaa in ṭngkam zianghman a suah lo. 8Amah cu an kai ih thah dingin a thu an ṭhen, A thih ding khal zohman in an poisa lo. Kan minung pawlih sual ruangah thah a tong.
Atu cu Khrih Jesuh thawn a pehzom awmi hrangah cun sual thuṭhennak in an luat zo. [2]Ziangah tile Khrih Jesuh thawn pehzomnak thawngin nunnak in petu Thlarau ih daan in sualnak le thihnak daan sung ihsin in luatter zo. (Rom 8:1-2)
Zokhal Fapa a zumtu cu thuṭhennak a tong lo ding; sikhalsehla a zum lotu cu Pathian ih Fapa neihsun a zum lo ruangah thuṭhennak a tong zo. (Johan 3:18)
Zumtu Nun ih Thuṭhennak
Pumpak Mawhphurhnak (1 Kor 11:28-32; Matt 18:15-17; Efe. 4:21-24)
[28]Curuangah zokhal hi saang a ei hlan le hi hai a in hlanah amah le mah cek-awta seh. [29]Zianghrangah tile hi saang a ei tik le hi hai a in tikah Bawipa ih taksa ih tican a theih lo ahcun a ei a in tikah thuṭhennak a parah a tuahcih a si. [30]Hiti nan si ruangah nanmah lakah mi tampi cu nan na, nan ṭawnṭai, cule mihrek cu thihnak tiang nan tong. [31]Hmaisa bikah kanmah le kanmah kan cekfel-awta a si ahcun Pathian thuṭhennak kan parah a thleng lo ding. [32]Sikhalsehla Pathian thuṭhennak kan parah a thleng ih Amah ih in simhrin hi leikhawvel thawn siatral tlaangta lo dingih in duhsaknak ruangah a si.
[15]“Nan unau pakhat nan parih a sual ahcun va feh uhla a sualnak va sim uh. Asinain zohmanih theih loin nanmah lawng tong aw uh. Nan thu a lo ngai a si ahcun nan unau nan ngah sal a si. [16]Asinain nan thu a ngai lo a si ahcun theihpitu pakhat maw pahnih maw fehpi uh. Ca Thianghlim in, “Sual puh awknak hmuahhmuah cu theihpitu pahnih maw, cuhnak tam maw um haiseh,” a ti vekin na fehpi mi cu thutheitu an si ding. [17]Cule nan thu a ngai lo a si ahcun a thuhla pawl kimtein kawhhran hnenah nan sim pei. A netnak ah kawhhran ih thu khal a ngai lo a si ahcun amah cu khawvelmi a si lo ah siahkhongtu tlukah va ruat uh. (Matt 18:15-17)
[21]Khrih thu cu nan thei ngah zo; Amah thluntu nan si vekin Jesuh sungih thutak cu zirh nan si zo. [22]A hlan nan nun keel vekih a lo nuntertu nan nunhlun cu hlon thlang uh; cuih nan nun hlun cu mi bumtu titsa hiarnak in a thihter cuahco mi kha a si. [23]Nan thinlung le nan ruahnak a zatein siamtharmi si ṭheh uhla, [24]Pathian ih hmuihmel kengih tuahmi,
a ding le a thianghlim in a langmi nunnak dik, nan nun thar kha hruh-aw uh.
(Efesa 4:21-24)
Thlarau nun pitlinnak hrang thuṭhennak (Heb 12:5-11; 1 Kor 11:32)
Sikhalsehla Pathian thuṭhennak kan parah a thleng ih Amah ih in simhrin hi leikhawvel thawn siatral tlaangta lo dingih in duhsaknak ruangah a si. (1 Kor 11:32)
Hmailam ih Ṭhuthennak
Kum 7 harsatnak sungih thuthennak: Tacik 7, Tawtawrawt 7, Khuathai 7
(Thup. 6-16)
Tuu le Mee Thuṭhennak (Matt. 25:31-46)
Zumtu pawl ih ṭuanman thuthennak (Rom 14:11-12; 2 Kor 5:9-10;
1 Kor. 3:10-15)
[11]Ca Thianghlim sungah “A nungmi Pathian Keimah ih hmaiah mi hmuahhmuah in, an khuk an bilh ding; Mi hmuahhmuah in Pathian ka sin kha an phuang ding tiah Bawipa in a ti,” tiah a um. [12]Curuangah zozo khal kan zatein kan nunnak le kan ṭuannak thu cu Pathian hmaiah kan simfiang ciar leh ding. (Rom 14:11-12)
Ziangkhal sisehla leilung kan inn ih kan um ah siseh, khitawk kan inn ih kan um ah siseh, ziang hmuahhmuah hnakin amah kan lungawiter ding kha a thupi bik a si. [10] Ziangah tile thuṭhen dingah kan zate in Khrih hmai ah kan ding leh ding. Zozo khal a ṭha siseh a sia siseh a nunsung ih a tuahmi vek cekci in a ngah ding. (2 Kor 5:9-10)
- Rinsantlak ih hnatuan man (1 Kor. 9:4-27), A thupek thlun man (Matt. 28:18-20),
Lei kil man (Jeim 3:1-9)
Hmaingalnak Sui Lukhuh (Filipi 4:1), Dingnak Sui Lukhuh (2 Timote 4:7-8)
Pangpar Lukhum (1 Korin 9:25), Bawi Lukhuh (1 Peter 5:3) Nunnak Sui Lukhuh
(Jeim 1:12)
Zumlotu pawl ih ton ding thuthennak (Thup. 20:11-15)
Cule a maksak zetmi bawi tokham raang le a parih a totu ka hmu. Bawi tokham parih a totu mithmuh ihsin van le leilung cu an tlan ih hmuh theih an si nawn lo. [12]A thi ciami pawl cu a tum a sen in bawi tokham hmaiah an ding ka hmu. Cabu pawl an kau; cuih hnuah nunnak cabu timi cabu dang pakhat an kau lala. Mithi pawl cu cuih cabu sungih an rak khum ciami an hnaṭuan vekin an thu ṭhen a si. [13]Cule tifinriat in a sungih ummi mithi pawl a hun suah. Thihnak le mithi khua khal in an hren cihmi mithi pawl an hun suah ve. An zatein an hnaṭuan ciami vekin thuṭhen an si ṭheh. [14]Cule thihnak le mithi khua cu tilipi vek a si mi meilipi sungah thlak an si. Hi meilipi cu voihnih thihnak kha a si. [15]Zokhal nunnak cabu sungih hmin ngan lomi cu meilipi sungah hlon an si.
_________________
Cheras Maluri Homecell
October 27, 2017
No comments:
Post a Comment