Kawhhran ih Tumtah le Hnaṭuan

Kawhhran ih Tumtah le Hnaṭuan

* Thuthangṭha Phuang ding le Khrih Dungthluntu Siter Ding

(Matthai 28:19-20) Curuangah feh uhla miphun hmuahhmuah ka dungthluntu va siter uh; Pa le Fapa le Thiang Thlarau hmin in baptisma va pe uh. (20) Cule ka thupekmi hmuahhmuah thlun dingin va zirh uh. Hngilh hlah uh, san a cem lai hlanlo nan hnenah ka um ringring ding,” tiah a ti.

(Maka 16:15) Cule an hnenah, “Leilung khuazakip ah va feh uhla mi hmuahhmuah hnenah Thuthang ṭha va sim uh.

(Luka 4:18-19) 18“Bawipa ih Thlarau cu ka parah a um, Ziangah tile mifarah hnenih Thuthang ṭha sim dingah hriakculh in i hril zo. Sal taangmi pawl hnenih luatnak thu sim dingah le Mitcaw in khua an hmuh thei salnak dingah i thlah. Hremmi pawl luatter dingah le, (19) Bawipa in a minung pawl a runnak ding tikcu a ra thleng zo, ti than dingah i thlah a si,” tiih ngannak hmun kha a siar.

* Zumtu pawl Pumkhat sinak Langter Ding

 (Efesa 4:4-6) 4Pathian in a lo kawh tikah a lo kawh sanmi ruahsannak cu pakhat a si vekin ruangpum pakhat a um ih Thlarau khal pakhat a um. (5) Bawi pakhat a um, rinnak pakhat a um, baptisma pakhat a um. (6) Pathian pakhat a um ih mi hmuahhmuah ih Pa a si. Amah cu ziang hmuahhmuah ih tlunah Bawi a si; ziang hmuahhmuah sungin hna a ṭuan ih ziang hmuahhmuah sungah a um.

(Tirhthlah 2:44-46) 44 Zumtu pawl hmuahhmuah cu an pawlkom aw ih thurual zetin an thil neihmi tla an ṭawm aw. (45) An thilri neihmi le an hlawnthil pawl tla an zuar ih an ngahmi tangka cu an ṭulnak vekin an zem aw. (46) Ni khat hnu ni khat Biakinn sungah an tongkhawm aw; an inn ah rawl an ṭawm aw ih tangdornak le lungawi thanuam in an ei tlang. (47)Pathian an thangṭhat ih mi hmuahhmuah hnenin mithmai ṭha an ngah. Cule nitinte in Bawipa in an pawlah rundamnak ngahtu a bet vivo. (aslo Acts 20:7)

* Zumtu pawl Pitlinnak hrang le hnaṭuanak hrang

(Efesa 4:11-13) 11“Minung hnenih laksawng a petu,” khal cu amah a si. A laksawng pekmi cu: a hrek cu tirhthlah an si, a hrek cu profet an si, a hrek cu Thuthang ṭha phuangtu an si, a hrek cu pastor an si ih a hrek cu zirhtu an si. (12) Hi bangtuk in laksawng a peknak cu: Pathian minung pawl in Khristian hna\uan an ṭuan thei ih Khrih ih pum an ṭhansoternak dingah a si. 

(13) Cuticun kan zumnak ah le Pathian Fapa kan theihnak pakhat sungah kan finkhawm aw ṭheh ding; patling kan si ding ih Khrih ih patling a sinak a saannak bik hmun khal kan thleng ve ding. (Also 1 Cor. 12:14-30; Rom 12:1-21)

* Vancung Uknak Langtertu Ding

(Matthai 5:13-15) Nannih cu mi phunkip hrangah cite nan si. Sihmansehla cite cu a alnak a ziam a sile alter sal a theih nawn lo. Ṭhathnemnak zianghman a neih nawn lo ruangah hlon ding le pal men ding lawng a si. (14) “Nannih cu leilung pumpi hrangah tleunak nan si. Tlangpar ih tohmi khua cu thuh a theih lo. (15) Zohman in mei-inn an van tikah khengkuum an khuh dah lo. Mei-inn vannak tung parah an vang. Cutiin inn sungih a ummi zate hrangah tleunak a si. 

(16) Cubangtuk in nan tleunak cu mi hmaiah tleuter ding nan si. Cuticun thil ṭha nan tuahmi cu mi in an hmu ding ih vanih a ummi nan Pa kha an thangṭhat ding.

SATAN IH HNAṬUAN

SATAN IH HNAṬUAN

*Satan in Pathian kan zumnak, kan rinsannak le tuartheinak kan neihmi parah in hniksak ṭheu. Pathian duhlozawng ih thiltuah dinghi Satan ih tumtahbik a si.

Matthew 4:11-11; Job 1:6-2:10

* Pual in milai a mawhthluk tum lo, Kawhhran sungih hlawhtlin lonak hi Satan ih thlemnak, Satan ih dawnkhamnak a si zia fiangten a thei.

1 Thessalon 1:18  Nanmah ra tlawn sal kan duh. Kei tla cu voi tam nawn nanmah ra tlawng dingah ka tum rero nain Satan in kan lamzin in kham ṭheu.

1 Thessalon 5:5     Curuangah Timote ka hun thlah. Nan thuhla zianghman thei loih um cu ka tuar thei nawn lo ruangah le nan zumnak thu theih ka duh ruangah ka hun thlahnak a si. Satan in a lo thlem ding ih kan hnaṭuanmi hmuahhmuah a lakah a cang ṭheh pang pei ti ka phang.

* Pathian hna ṭuan phah, Amah rian phah cingin Satan Lungawizawng tuah pang a olte.

Vei tampi Pathian duhnak hnakin kanmai duhnak thupitter in thil kan tuahpang caan ah a netnak ahcun Satan lungawizawng a rak si ṭheu.

Luke 22:31-32       Jesuh in, “Simon, Simon, ngaihnik! Lothlo pa in fang cu a fangngai le a hii a thiatdan ṭheu vekin Satan in nanmah lakah thiatdang dingah le nan zatein hniksak dingah thu a ngah zo. [32]Sikhalsehla Simon, na zumnak a tlaksam lonak dingah na hrangah thla ka cam. Cule ka hnen lam na hoikir sal tikah na unau pawl kha thazaang na pe pei,” tiah a ti.

Matthew 16:23      Jesuh cu a her ih Piter hnenah, “Nang Satan, ka hnen ihsin tlan aw! Ka fehnak lamzin khamtu na si, ziangah tile hi bangtuk na ruahnak hi Pathian hnen ihsin a rami a si lo, milai hnenin a rami a si,” tiah a ti.

*Jesuh in Satan hnaṭuan siatsuah dingah a ra bangin kan tonmi buainak le harsatnak, kan Kawhhran sungih thuhla sia pawl hi milai puhaw men lo in Satan hnaṭuan a si ruangah Satan sawn do ding kan si.

1 John 3:8   Zokhal sual a tuah ringringtu cu Satan ih ta a si, ziangah tile Satan cu a hramthok ihsin sual a tuahtu a si. Pathian Fapa a langnak cu Satan hnaṭuannak siatsuah ṭheh ding rori ahhin a si.

2 Korin 2:11   Mi pakhat khat thil a ti sualtu nan ngaithiam tikah kei khal in ka ngaithiam ve. Ziangah tile mi ka ngaithiam tikah (ka ngaithiam ṭulmi an um ngaingai ahcun) nanmah ih ruang bikah Khrih hmaiah ka ngaithiam a si. [11]Cutiin ka ngaithiamnak cu Satan in kanmah hi in neh pang hlah seh ti ka duh ruangah a si. Satan ih tumtahmi le kan thei ṭheh fawn. 

Efesa 4:27   Satan kha tikcu ṭha pe hlah.

1 Peter 5:8-9        8Fimvarte in um uh! Ralringte in um uh! Nan ral Satan cu deh ding hawl ah a huuk reromi kiosa bangin a tawi a vak zok rero a si. [9] Nan zumnak ah hngetkhoh uhla Satan cu do uh, ziangah tile leilung tlun khuazakipih a ummi Khristian unau pawl khal hi bangtuk in harsatnak hi an tuar rero ve a si ti kha nan thei.

THUTHUP PHUNHNIH

THUTHUP PHUNHNIH

1. Minung ih thuthup

    #Pathian Hmaiah Thuh theimi Kan Nei Lo

    a). Minung ih thuthup cu Pathian in a thei \heh.

    b). Eg. Samson ih cahnak thuthup 

         (Thu\hentu 16: 9, 17-18)

    c). Syria siangpahrang ih thuthup cu Elisa in Isarael siangpahrang hnenah a sim cingcing. Syria in Isarel an do ngam nawn lo 

           (2 Siangpahrang 6:8-23)

    d). Thuthuk le Thuthup khal Amah in a langter \heh. Khawthim lakih thuhmi khal Amah in a thei thluh. Amah cu tleunak in a kulh (Daniel 2:22)

    e). Khawthim sungih thuthup a langter ih, a pit zetmi khawdur kha tleunak ah

          a langter (Job. 12:22).

   

    #Thuthup Kilkhawi Kan |ul (Kaa, |ongkam) 

    a). Ka tam pawlin thuthup an phuang \heu, asinan zumtlak mi pawl in an thup thei (Thuf. 11:13)

    b). A thupte in mi rel a hmangtu in thuthup kha an phuang \heu,

          Curuangah mi rel a hmangtu kha va kom hlah. (Thuf. 20:19)

    c). Na innhnen thawn nan ruahnak a bangaw thei lo a sile nanmah tein remnak tuah uh, Cule nan thuthup kha va phuang hlah. Na phuang pang a sile mi in thu na thu thei lo kha an thei dingih na ningzahnak a cem dah nawn lo ding.

          (Thuf. 25:9-10)

2. Pathian Thuthup:

Inn Kan Tlung

Inn Kan Tlung

Vahvaihnak leiram ah
Ṭhenawknak leiram ah
Tlun lam zawhmi zintluan ah
Tlung ciocio inn thleng ciocio ah
Thlen hmun a dang ding, kan dang ding.

Kan zawhmi tlun zin a thupi
Zin pial cun inn thlen a theih lo
Zin zawhsual cun inn thleng lo ding
Zin sau le tawi cu thih le nun thu a si ko.

Jesuh in, “Keimah cu lamzin le thutak le nunnak ka si. Keimah hnenin siar lo zohman ka Pa hnenah an thleng thei lo. John 14:6

-On the way heading to home from Muar (25/11/2017).

RAPTURE, KUM (7) HARATNAK KUM (1000) UKNAK VAN THAR LE LEI THAR JERUSALEM THAR

RAPTURE,

KUM (7) HARATNAK

KUM (1000) UKNAK

VAN THAR LE LEI THAR

JERUSALEM THAR

MI THLUASUAK (Matthai 5:3-10)

 MI  THLUASUAK

(Matthai 5:3-10)

1. “Thlarau lamah ka farah ti a thei awtu pawl cu mi thluasuak an si;
Ziangah tile vancung Uknak cu anmah ih ta a si. (Matt. 5:3)
- Vancung Uknak cu kan sungah a um (Luka 17:20-21). 
- Vancung Uknak an co lo ding (1 Korin 6:9-10;  Galati 5:19-21; Efesa 5:5).
- Matthai 19: 16-30 (Jesuh le milian tlangval pa, a dungthluntu pawl).
- Zokhal hrin sal a si lo ahcun Pathian Uknak a hmu thei lo ding (Johan 3:1-21)
- Vancung uknak a hawltu pawl tul mi kimter ding. (Matthai 6:31)

2. Ninghang lungsia pawl cu mi thluasuak an si; Ziangahtile Pathian in  
a hneem hai ding. (Matt. 5:4)
- Pathian rian, zumnak ruangih ninghang lungsia pawl (Thup. 21:4)
- Pathian fa pawl ih tonmi harsatnak pawl (2 Korin 1:3-7 - siar ding)
- Jesuh hnen pantu pawl an ṭulmi a kimter ding (Matthai 11:28-30 - siar ding)

3. Lungnemmi pawl cu mi thluasuak an si; Ziangah tile Pathian ih kam ciami (leiram) an co ding. (Matt. 5:5)
- Sikhalsehla lungnem pawl cun, Ram cu an luah ding. Daihnak le neihnunnak an co ding. (Saam 37:11, cang 1 ihsin siar ding)
- Thlarau rah pawl (Galati 5:22) - “nunneem tangdornak”

RUNDAMNAK FAMKIM

RUNDAMNAK FAMKIM

PATHIAN ZANGFAHNAK LE THUṬHENNAK

PATHIAN  ZANGFAHNAK   LE  THUṬHENNAK

[6]Zianghman ti theimi kan neih lo laifangah Pathian ih khiah mi tikcu caanah Khrih cu misual pawl hrangah a thi. [7]Miding hrang hmanah mi pakhat khat thih ding cu a olmi thil a si lo. Miṭha hrangah cun thih a ngamtu pakhat khat an rak um khal a si thei. [8]Sikhalsehla Pathian in ziangtlukinso in duhdawt ti cu a langter: misual kan si hrih na cingin kan hrangah Khrih cu a thi! [9]A thisen thawng in kannih cu Pathian thawn kan rem awk zo ruangah ziangtlukinso Pathian thinhengnak ihsin Amah in in runsuak sinsin ding! 

(Rom 5-9)

[4]Sikhalsehla Pathian ih in zaangfahnak cu a tlamtling ngaingai ih in duhdawtnak khal a tumzet ruangah, [5]kan sualnak sungah thlarau lamin mithi cia kan si ko nain Khrih thawn nunnak ah in thoter sal zo. Pathian ih zaangfahnak thawngin rundammi nan si. [6]Khrih Jesuh thawn kan pehzom awknak thawngin Pathian in Khrih thawn vancung ramih uk tlang dingah amah thawn in thoter sal zo. [7]Hi bangtuk ih a tuahnak cu ziangdang ruangah a si lo; Khrih Jesuh sung ihsin kannih in duhdawtnak a tumzia kha kumkhua daih in langter a duh ruangah a si. [8]Ziangah tile nannih cu Pathian zaangfahnak zaarah zumnak in rundam nan si. Hi rundamnak cu nan ṭuannak ruangih nan ngahmi a si lo, Pathian ih laksawng a si. [9]Cuhrangah zo hman porh awk ding a si lo. [10]Pathian in kan ṭuan ding hrangih a rak timtuah ciami hnaṭuan ha ṭuantu dingah Khrih Jesuh sungin kannih cu siamtharmi kan si. (Efesa 2:4-10)

A Liamcia Thuṭhennak

Adam le Eve thuṭhennak (Seem. 3:14-24)

Rulpi le sersiam mi zate parih thuṭhennak (Seem. 3:14-15; Rom 8:20-22)

Zumtu ih co dingmi Sunloihnak le Zumtu le Zumlotu Thuṭhennak

Zumtu ih co dingmi Sunloihnak le 

Zumtu le Zumlotu Thuṭhennak

A. Zumtu Thuṭhennak (Sunloihnak Suilukhum Phunnga)
2 Korin 5:10
Ziangah tile thuṭhen dingah kan zate in Khrih hmai ah kan ding leh ding. Zozo khal a ṭha siseh a sia siseh a nunsung ih a tuahmi vek cekci in a ngah ding.
Rom 14:10-12; Johan 3:18; Rom 8:1 (Siar ding)

Hmaingalnak Sui Lukhuh  (Filipi 4:1)
Ka duhdawtmi ka u le ka nau pawl, ka lo ngaizet hai a si. Nannih cu i hnemtu nan si ih ka hmaihngalnak ka sui lukhuh khal nan si. Ka duhdawtmi unau pawl, hi bangtuk in Bawipa sungih nan nunnak ahcun hnget zetin ding ringring uh.

Dingnak Sui Lukhuh  (2 Timote 4:7-8)
[7]Tlan zuamnak ah ka ti thei patawp in ka tlan zo; tlan zuamnak a netnak tiang ka tlan zo ih ka zumnak khal thlauthla lo tein ka pom hnget zo.  [8]Atu cu ka Bawipa, a dingmi thuṭhentu Bawi in cuih Ni ih i pek dingmi nehnak laksawng ka hrangih in ret sakmi in i hngak. Cuih laksawng cu dingnak sui lukhuh a si ih keimah ih hrang lawngah a si lo; duhdawtnak thawn amah a langnak ding a hngaktu hmuahhmuah hrang khalah a si.

Pangpar Lukhum  (1 Korin 9:25)

Thlarau Nun Pitlingdan Zohawknak

Thlarau Nun Pitlingdan Zohawknak

Rundamnak Thuthang\ha Hrambun ih Zumnak le Nunnak

Siar ding: (Rom 1:1-16, Rom 3:21-31, 1 Kor. 15:1-4)

No	Dinhmun	Ka si	Tawkfang	Ka si  Hrih lo
1	Rundamnak thuthang\ha ka theifiang ih ka co zo a si.
2	Rundamnak thutak thuthang\ha thawn mil aw in nitin nundan ka zir a si.
3	Runamnak thutak thuthang\ha cu ka thupi bik le ka nunsan bik a si.
4	Rundamnak thuthang\ha ruangah daihnak, ruahsannak le zumnak sungah thazang thar thawn ka nung thei a si.
5	Rundamnak thuthang\ha cu a cangtheitawk in midang hnen hlawm ve ka duh a si.
Pitling zo (Ka si) / Pitling ding zuam lai (Tawkfawng) / Pitling hrih lo (Ka si hrih lo)

Khrih Sungih Nunnak Thar, Mithar Sinak Theifiangnak

Siar ding: (Rom 6:1-11, Efe. 1:3-14, Efe. 2:1-10)

No	Dinhmun	Ka si	Tawkfang	Ka si  Hrih lo
1	Khrih sungah mithar, siamthar sinak cu ka theifiang a si.
2	Khrih sungah mithar ka sinak thawngin ka nunnak ah nehnak ka co a si.
3	Khrih thawngin sualnak ah mithi ka si ih, a thawhsalnak ah nun thar ka nei  a si.
4	Khrih sungih nunthar ka neihmi cun thlarau lam cahnak thawn sual le \hatlonak ka neh thei vivo a si.
5	Khrih sungih nunthar ka neihmi ruangah nun man neizet in ka nung thei a si.
6	Khrih sungih nun neitu ka sinak cu Thlarau Thianghlim ih hminsinnak tla ka co zo a si.
Pitling zo (Ka si) / Pitling ding zuam lai (Tawkfawng) / Pitling hrih lo (Ka si hrih lo)